اعطال مصنعيه فئه شاومي

لو أنت فني صيانة، لازم تبقى فاهم إن في أعطال اسمها أعطال مصنعية، ودي أعطال بتتكرر في موديلات معينة بشكل معروف بين الفنيين. لكن ده مش معناه إنك تحفظ العطل وتدخل تنفذه وخلاص. لازم قبل أي حاجة تعمل فحص وقياس وتشوف سحب الباور سبلاي وتتأكد إن الحالة اللي معاك مطابقة لنفس السيناريو.

Poco X3 Pro من أشهر الأجهزة اللي بتيجي فاصل أو مريح. أول خطوة توصل باور سبلاي وتتأكد إن مفيش شورت وإن آيسي الباور سليم. لو السحب طبيعي غالبًا هتحتاج رفع المعالج والرام وعمل ريبولينج لأنه عطل مصنعي معروف في الجهاز ده.

Poco F3 بيجي أحيانًا فاصل بيانات أو إضاءة. بعد الفحص والقياس هتلاقي المشكلة في آيسي الإضاءة ويتغير ويرجع الجهاز طبيعي.

Poco M3 بيجي مريح بسبب مشكلة في الصاجة الموجودة فوق آيسي APT نتيجة تفريغ شحنات. أحيانًا بيجي بيرستر وبيتحل بريبولينج معالج وأحيانًا بتغيير الذاكرة حسب نتيجة القياس.

Poco X3 بيظهر فيه أعطال معالج تحتاج ريبولينج، وأحيانًا مشكلة في آيسي الشحن، ودايمًا الفحص قبل أي خطوة.

Redmi Note 5 لو بيشتغل ويفصل أو يقف على اللوجو فغالبًا المشكلة ذاكرة.

Mi 10T لازم تاخد بالك من مسمار جنب الكاميرا بيكون أطول من اللازم وبيقطع مسارات خاصة بالكاميرا والشبكة، ودي مشكلة بيعملها الفني مش الجهاز. غير كده فيه أعطال ريبولينج معالج ورام.

Mi 11 Lite غالبًا عطل مصنعي معالج يحتاج ريبولينج.

Redmi 9C و10C و9A و10A بيجوا قاطعين باور بسحب عالي أو 41mA أو سحب ضعيف جدًا. العطل بيكون شورت في خط VUSB الخارج من آيسي الباور للمعالج. بيتم تتبع المسار وعزله أو عزل النقطة أسفل الباور. بعد الإصلاح ممكن الشحن يكون بطيء ويتم تعديل الخط لاستعادة الشحن السريع.

Redmi Note 9 فيه مشاكل ضعف مسارات التاتش والصوت ومقاومة حرارية بتشرط على خط 1.8V وأحيانًا المعالج نفسه. لازم قياس دقيق قبل أي تدخل.

Redmi Note 10 و10 Pro وNote 10 Lite من أشهر الأجهزة اللي فيها مشاكل ريبولينج، لكن لازم تفرق بين عطل معالج وعطل آيسي شحن زي PM6150 أو PM7150 في بعض الإصدارات.

الخلاصة إن الأعطال دي مصنعية متكررة، لكن الفني الشاطر هو اللي يعتمد على القياس والتتبع مش الحفظ